Kosovë/ Tarifat doganore të Trump ‘përplasin’ Presidencën me qeverinë! Osmani: Hiqni taksën për mallrat amerikane! Ministri i Financave: Kompetencë e jona
Në Kosovë Presidenca dhe qeveria u përfshinë në një debat në distancë për shkak të tarifave doganore që Presidenti amerikan miratoi këtë javë për Kosovën dhe qindra shtete të tjera në botë. Vjosa Osmani i ka propozuar qeverisë anulimin e tarifës aktuale doganore për mallrat amerikane, propozim që sipas ministrit të financave Hekuran Murati është në diskutim prej kohësh. Sipas tij Presidenca nuk duhet ta kishte bërë publike kërkesën. Institucioni i Presidencës e quajti këtë qëndrim skandaloz.
