VLORË- Disa ditë pasi ishte në kërkim nga autoritetet greke, Spartak Dyrmishi është arrestua nga policia e Vlorës. 45-vjeçari Spartak Dyrmishi i akuzuar nga shteti fqinj si abuzues seksual serial u nis drejt vendlindjes pasi konstatoi se shteti grek e kishte shpallur në kërkim.
I pyetur për akuzat që flitet në media Dyrmishi u shpreh se nuk ka bërë asgjë ka ato që pretendohet.
Së fundmi, Dyrmishi abuzoi seksualisht me një të re në një stacion autobusi dhe dhunoi dy vajza të tjera. Menjëherë pas këtij akti, të rejat denoncuan në policinë vendase, ndërsa 45-vjeçari u nis në arrati drejt vendlindjes, në Vlorë. Disa ditë në kërkim, Dyrmishi kishte shprehur dëshirën e tij për t’u dorëzuar te Policia greke, në orët e para të mëngjesit të sotëm. Policia shqiptare e ka dorëzuar atë në Pikën e Kalimit Kufitar Kakavijë në mënyrë që të marrë dënimin nga shteti fqinj.
Mediat greke bënë me dije se pas hetimeve rezultoi se 45-vjeçari, duket se nuk është një person krejtësisht i panjohur për autoritetet e sigurisë së vendit fqinj dhe në të vërtetë nuk përjashtohet që nëse hetimi të rezultojë pozitiv. Si rezultat, atëherë i akuzuari për përdhunim mund të jetë i akuzuar për vepra të tjera në Shqipëri.
Autori kaloi kufirin greko-shqiptar nga stacioni kufitar i Kakavisë në orët e para të 27 tetorit, përpara se të identifikohej nga autoritetet greke .
Për tu arratisur nga vendngjarja, Dyrmishi u nis drejt Vlorës ku jetonte e ëma e tij ndërsa vetë ishte i divorcuar. Në gjendje shoku pasi mori vesh lajmin nëna e tij dha një deklaratë në polici.
“Unë them do marr policinë, po më tërheq kështu, po më bën këtu kështu... nuk e dua. Për mua ai ka vdekur. Nuk mundem. E ndjej se ka vdekur. Unë nuk e dua atë. Unë jam 70 vjeç. Unë them do të nxjerr një pension, që mori lekët. Ai pi cipuron, pi birra, policia erdhi këtu, gjeti një cigare hashash. Nuk e dua një fëmijë të tillë”.
“Jam 70 vjeç dhe nuk duroj të flas më për të. Nuk dua të bëj asnjë deklaratë përveç se e kam fshirë dhe as nuk dua ta shoh të vdekur”, tha nëna e përdhunuesit të Palaio Faliros.
E pyetur për sjelljen e djalit të saj dhe nëse ai e kishte sulmuar, nëna e tij 70-vjeçare tha se kjo nuk kishte ndodhur, por nuk pranoi të komentonte asgjë tjetër në lidhje me të.
Spartak Dyrmishi
Arrestimi i 45-vjeçarit Spartak Durmishi, të akuzuar për përdhunim në shtetin grek është bërë i mundur falë ndihmës që nëna e tij i ka dhënë autoriteteve.
Pas arrestimit, ajo ka folur drejtpërdrejt në televizionin grek “Alpha” dhe ka treguar saktësisht se çfarë ka ndodhur.
“I thashë motrës sime që jeton në Shqipëri t’ia jepte çelësin e shtëpisë policisë shqiptare. Kur shkuan në shtëpi me një vinç, u përpoqën ta arrestonin, por djali im theu grilen dhe u arratis. Iku, u tha se do vishte rrobat, por i gënjeu. Shkoi në garazhin e një shoku që të fshihej, ndërsa ky i fundit mori policinë dhe kështu e kanë kapur,”, u shpreh nëna e të arrestuarit.
Nëna tregoi se djali i saj, pas natës së ngjarjes ku ai abuzoi seksualisht me një 34-vjeçare greke, ai kishte dhunuar dhe atë.
“Mëngjesin pas asaj nate, më 23 tetor po pyesja djalin se ku ishte dhe ai më rrahu .Më duhej të thërrisja për ndihmë, askush nuk u përgjigj dhe ai më tërhoqi përsëri për të më rrahur. Ai më ka goditur shumë herë . Nuk e dija numrin për të thirrur policinë”, shtoi nëna e 45-vjeçarit, e cila kërkoi falje publike për djalin e saj.
“Droga dhe alkooli më kanë shkatërruar jetën”, këto mësohen të kenë qenë fjalët e 45-vjeçarit shqiptar Spartak Dyrmishi para policisë, para se të dërgohej në Gjykatë në Evelpidon, shkruajnë mediat greke.
I ashtuquajturi “përdhunuesi me tatuazh” dyshohet se ka pranuar përdhunimin e një 34-vjeçareje dhe tentativën e përdhunimit të dy grave në Faliro.
“Droga dhe alkooli më kanë shkatërruar jetën. Isha nën ndikimin kur ndodhi ajo për të cilën ankohen dy vajzat, gjë që e konfirmoj”, mësohet se u ka thënë ai policëve të Nëndrejtorit të Sigurimit të Athinës që po trajtojnë rastin.
Ai do të akuzohet edhe për dhunë në familje pasi dyshohet se ka rrahur nënën e tij.
Spartak Dyrmishi, 45-vjeçari shqiptar i akuzuar për përdhunim në shtetin grek, i shoqëruar nga 2 policë dhe i veshur me jelekë anti-plumb mbërriti në hetuesi pasdite në Gjykatën e Evelpidon.
45-vjeçari, i cili e kishte mbuluar kokën me kapuç kërkoi dhe mori afat për të kërkuar falje deri të enjte. Dyrmishi doli para hetuesisë pa avokat. Akuzat ndaj tij janë përdhunim, tentativë përdhunim dhe rrëmbim.
Ky është momenti kur Spartak Dyrmishi i ëhstë dorëzuar autoriteteve greke pasi u arrestua nga policia e Vlorës.
45-vjeçari akuzohet nga shteti fqinj si përdhunues serial.
Në momentet e arrestimin i akuzuari për disa përdhunime në Greqi, Spartak Dyrmishi, ka thënë se asgjë nga ato që akuzohet nuk është e vërtetë.
“Nuk i kam bërë ato që flitet në media apo pretendimet e autoriteteve greke për përdhunime. Skam bërë asgjë nga ato”, ka thënë i akuzuari për përdhunues serial.
Report Tv ka zbuluar detaje të reja lidhur me arrestimin e Spartak Dyrmishit në Vlorë. 45-vjeçari ishte në kërkim nga Greqia pasi akuzohet si përdhunues serial i disa grave dhe vajzave në shtetin fqinj.
Sapo konstatoi se ishte shpallur në kërkim, Dyrmishi u arratis drejt vendlindjes së tij, Vlorë. Ai ishte në monitorim prej ditësh nga efektivët në Vlorë, sapo ishin lajmëruar nga autoritetet greke.
Dy ditë më parë, policia kishte tentuar të ndërhynte sërish në banesë por askush nuk ishte përgjigjur. 45-vjeçari jetonte aty me qira dhe prej dy ditësh ishte ngujuar në banesën e tij me derë të blinduar. Efektivi i policisë u fut nga ballkoni i banesës së autorit me qëllim kapjen e tij.
Komente
KAPE sapunin tani ne burg 20 vjet,,,lab i qelbet...
Përgjigju