Të enjte u zhvilluan dy ndeshjet e fundit në turin e 1/16-ave të Kupës së Italisë. Genoa fitoi 3-1 me përmbysje kundër Empolit dhe në fazën e radhës gjen Atalantën, ndërsa pas fitores 1-0 kundër Pisas, Torino luan kundër Romës.
Në 'Olimpicon' e Torinos, vendasit e Marco Baronit fituan 1-0 kundër Pisas dhe marrin një biletë për në 1/8 e Kupës së Italisë, aty ku gjejnë Romën. Dueli u vendos nga goli i Cesare Casadei në minutën e nëntë, ndërsa në fushë për Torinon ishin Kristjan Asllani dhe Ardian Ismajli. Ky i fundit shënoi në minutën e 49-të, por festa u ndal nga VAR-i (Video Assistant Referee) për një prekje të topit me dorë.
Në 'Luigi Ferraris', Genoa fitoi 3-1 kundër Empolit dhe gjen në 1/8 e Kupës skuadrën e Atalantës. Empoli shënoi me Saporiti, teksa Frendrup, Marcandalli dhe Ekhator përmbysën për vendasit.
Ndeshjet e 1/8-ave të Kupës së Italisë do luhen më 3 dhjetor 2025.
Kupa e Italisë, raundi 1/16-ave:
E enjte, 25 shtator 2025
Genoa 3-1 Empoli
Torino 1-0 Pisa
Çiftet në fazën e 1/8-ave:
Bologna - Parma
Lazio - Milan
Juventus - Udinese
Atalanta - Genoa
Inter - Venezia
Roma - Torino
Fiorentina - Como
Napoli - Cagliari
Në "Olimpicon" e Torinos, vendasit e Marco Baronit fituan 1-0 kundër Pisas dhe marrin një biletë për në 1/8 e Kupës së Italisë, aty ku gjejnë Romën. Dueli u vendos nga goli i Cesare Casadei në minutën e nëntë, ndërsa në fushë për Torinon ishin Kristjan Asllani dhe Ardian Ismajli. Ky i fundit shënoi në minutën e 49-të, por festa u ndal nga VAR-i (Video Assistant Referee) për një prekje të topit me dorë.
Komente
