Nëse Ukraina ndahet, jo vetëm do ndihet e tradhtuar nga Amerika, por më keq akoma, në vend që Donald Trump të mbante premtimin “Ta bëjmë Amerikën të mëdhe përsëri”, do çonte tek “Rusia e Madhe”.
Kjo është analiza gjeopolitike që bëri në një intervistë via skype juristi Kreshnik Spahiu për Repot Tv, me gazetaren Marsela Karapanço.
Ai theksoi se nga ky samit, presidenti rus Vladimir Putin është më i favorizuar dhe avantazhuar, pasi po del nga izolimi i tij diplomatik pas 3 vitesh luftë dhe mijëra viktimash e valës së shkatërrimit dhe tjetra, nuk do të pranojë marrëveshje pa ndarjen e Ukrainës. Çdo ditë që kalon, Putin është më i fituar, kurse Trump ka disavantazhe problematikën ekonomike dhe politike brenda dhe jashtë SHBA-ve, zgjedhjet e ardhshme pasi i mbaron mandati, shqetësim që nuk e ka homologu rus.
Sipas Spahiut, zgjidhjet e vetme mbeten vetëm dy: Lufta deri në fund dhe paqja nëpërmjet ndarjes së territoreve. Nëse Ukraina ndahet, Trump humbet premtimin e tij dhe në vend të bëjë Amerikën e Madhe, do të bëjë Rusinë.
“E rëndësishme është që Trump t’i përmbahet sloganit me të cilin ka ardhur në pushtet: Bëje Amerikën përsëri të madhe!
Pra si do përfundojë ky takim, a rrezikon të dali Rusia e Madhe?! Nëse paqja arrihet me ndarje territoresh e të Ukrainës, se ky mund të jetë skenari i vetëm. Dy do jenë opsionet: I pari është se lufta mbetet e vetmja zgjidhje për të çliruar Ukrainën, pasi Rusia nuk tërhiqet pa territore”, tha ai.
Dhe më tej juristi shpjegoi tezën e tij:
“Kjo çon te zgjidhja e dytë, nëse nuk bëhet me luftë nga SHBA dhe Europa ushtarakisht, opsioni i dytë është paqja. A tërhiqet Rusia nga Ukraina? Jo! E bën vetëm nëse i pranohet marrja e 3-4 prej krahinave. Vetëm Krimeja e pranon bashkimin me Rusinë, të tjerat nuk e pranojnë me referendum, ndaj Putin imponohet. Pra kemi ose ndarjen e Ukrainës, ose luftë”.
Por ndarja e Ukrainës dhe njohja e saj, do të ishte një precedent i rrezikshëm edhe për vendet e tjera, pra krijimin e ish-Bashkimit Sovjetik, apo Rusisë së Madhe.
Pas Ukrainës, Putin do të niste me Republikat Balltike apo me Moldavinë dhe deri në Ballkan dhe ky do ishte rrezik serioz.
“Realiteti është pushtimi i këtyre krahinave dhe në këmbim Rusia njeh Ukrainën e garanton paqen në të ardhmen. Por kjo ka precedent negativ. Nëse njihet ndarja e Ukrainës, shkelet rendi botëror dhe të drejtat ndërkombëtare dhe hapet praktika për Rusinë për të cenuar republikat e tjera Letonia, Lituania dhe Estonia, me pakicë ruse 25%, që në moment të caktuar mund të krijojë destabilitet. Mund të jetë e cenuar edhe Moldavia, që ka krahinë separatiste dhe të tentojë bashkimin me Rusinë dhe kjo të shtrihet deri në Ballkan, ku Rusia do mbështesë Serbinë”, argumentoi Spahiu për Report Tv.
Juristi Kreshnik Spahiu komentoi edhe me doza të lehta humori dhe ironie takimin Trump-Putin, duke bërë analogji me takimin Trump-Zelensky. Ai ngriti pyetjen nëse presidenti amerikan do e trajtonte atë rus njëlloj si Zelenskyn duke bërë humor.
“A do e trajtoj Trumpi në takim Putinin njësoj si Zelenskin duke bërë humor?”, u shpreh ai për Report Tv, teksa jepte tezat e diskutimeve dhe përfundimeve të mundshme të samitit në Alaska.
Dhe më tej vijoi duke shpjeguar avantazhet dhe disavantazhet e dy presidentëve.
“Trump shkon me disa avantazhe dhe disavantazhe. SHBA është superfuqi më e fortë ekonomike se Rusia. Rusia ka disavantazh se është dobësuar ekonomikisht nga lufta. Pasojat diplomatike dhe ekonomike janë të mëdha për Rusinë. Por Trump ka një disavantazh sistemin, demokracinë liberale. Ka disavantazh në raste konfliktesh të armatosura, ndryshe nga vendet totalitare apo diktatoriale. Ndoshta sot elektorati i SHBA e urren Trump dhe presin që të ikë, për shkak të miqësisë me Putin, konflikti në Gaza, ekonomia, por edhe probleme të tjera. Pra shkon atje me një popull të ndarë, s’e ka 100% mbështetjen e popullit. Kurse Rusia është më unike, rusët janë më të bashkuar, si totalitarë, nuk ka alternativë apo opozitë”, u shpreh juristi.
Kurse për shefin e Kremlinit tha se nuk ka çfarë humbet, pasi është shtet diktatoral dhe pa opozitë.
“Putini s'ka çfarëa humbet, Trump ka me shumë se çfarë humbet. Trump ka edhe 3 vite larg zgjedhjeve dhe ikën, në mandatin e fundit, ka sfida politike dhe diplomatike, pra ka disavantazh kohën. Është futur në konflikt edhe me aleatët e tij, por edhe me liderët europianë, që s’e kanë mirëpritur takimin Trump-Putin. Kurse Putin nga ana e tij ndihet i favorizuar, se ka faktorin kohë, nuk e largon njeri deri në vdekjen e tij biologjike apo ta vrasin”, shpjegoi Spahiu.
Dhe në fund një koment për deklaratën e ish-sekretares Hillary Klinton, duke nënvizuar se ajo e di përfundimin e takimit, ndaj thotë se do e nominonte për Nobel Trumpin po të arrinte paqen në Ukrainë.
“Hillary Klinton është shumë e sigurt se Trump do të dështojë në takimin e Alaskës. Me të gjithë deduksionet që u bënë, del në përfundimin në atë që shpreh edhe Klinton, se nuk do të ketë paqe në Ukrainë pas ndarjen e territoreve në Ukrainë”, përfundoi juristi.
Juristi Kreshnik Spahiu tha për Report Tv se fatkeqësisht SHBA-të nuk po i gjenden Ukrainës pranë, ndërsa e morën në patronazh kur e demilitarizuan nga armët bërthamore.
Takimi i sotëm sipas tij, tregon se presidenti rus Vladimir Putin del më i favorizuar dhe Rusia nuk do tërhiqet pa marrë territore nga Ukraina.
“Por fatkeqësisht tani SHBA-të nuk po i përgjigjen Ukrainës në momentin e saj të vështirë. Duhet theksuar se presidentët amerikane janë treguar të butë ndaj Rusisë dhe Putinit, me një gjysmë ndihmë ndaj tyre, që të pushtohet Ukraina dhe Krimea, teksa ukrainasve u duhet të luftojë vetë. Rusia nuk tërhiqet pa territore”, u shpreh ai.
Gjithashtu bëri edhe një analizë të frontit të luftimeve muajt e fundit, ku rusët kanë përparuar ndjeshëm. Dhe duket se zgjidhja e vetme për çlirimin e Ukrainës mbetet lufta.
“Çdo ditë që kalon përfiton Putin, sepse ai po fiton territor nga lufta aktualisht, po përparon. Pra nëse marrëveshja bëhet pas një viti, do të thotë se do të ketë pushtuar shumë sipërfaqe. Aktualisht ka 114 mijë kilometra katrorë, apo sa 5 herë Shqipëria. Pra do të jetë më e vështirë më vonë dhe nuk do të ketë zgjidhje tjetër veç luftës”, u shpreh Spahiu për Report Tv.
Por kush i vuan pasojat e luftës në Ukrainë? Juristi shprehet se i vuan Europa dhe BE-ja.
“Kush i vuan pasojat e luftës në Ukrainë? Sigurisht që Europa dhe jo SHBA-të. Nëse lufta vazhdon, kjo do krijojë probleme të mëdha edhe për shtetet europiane. Aktualisht edhe Gjermania është lëkundur, sondazhet tregojnë avantazh për partitë ekstremiste apo atë naziste, drejt ekstremeve. Kështu po ndodh në Francë, Austri, po mbështeten ekstremet, qeveritë e spektrit të djathtë. Vetëm në Gjermani ka 1,5 mln ukrainas, taksat e gjermanëve dhe fondet që jepen. Pra gjithë Europa është e trishtuar dhe ka krisje mes BE dhe SHBA-ve, ndaj janë të dyzuar nëse shkon atje si mik i BE apo i Putinit”, argumentoi ai.
Juristi Kreshnik Spahiu e sheh si precedent të rrezikshëm zgjedhjen e Vladimir Putinit për takim nga presidenti amerikan Donald Trump dhe jo të atij ukrainas, Volodymyr Zelensky.
Për analogji ai merr sikur Trump të takonte në Groenlandë presidentin serb Aleksandër Vuçiç dhe jo zyrtarët e Kosovës. Ai shpjegoi se kjo ka favoret dhe disfavoret e saj në lidhje me Ballkanin dhe Kosovën. Nëse Putin merr Krimene, Kosova ndihet e favorizuar për pavarësinë e saj sepse detyrohet Rusia ta njohë Kosovën.
“Të bësh takim Trump-Putin për fatin e Ukrainës, është njëlloj sikur Trump të takohet me Vuçiç në Groenlandë dhe të vendosin fatin e Kosovës. A do pranohej kjo?! Kjo përbën një rrezik, por mund të përbëjë edhe një favor. Pra Rusia kërkon Krimenë, SHBA të njoi ndarjen e Ukrainës, e për rrjedhojë detyron Rusinë me këtë precedent që të njohë Kosovën”, tha ai.
Por kishte edhe një rrezik tjetër, sepse hapet loja e territoreve për shumë shtete.
“Nëse hapet loja e këmbimit të territoreve, përbën rrezik, për disa shtete të Europës dhe veçanërisht Ballkanin. Ndarja e Ukrainës përbën rrezik për Ballkanin”, vijoi juristi.
Spahiu vë theksin edhe te indiferentizmi apo distancomi i SHBA-ve nga Ballkani.
“Por deri më sot SHBA janë indiferente në Ballkan. Ndaj nuk kanë emëruar ende ambasador në Serbi, Kosovë dhe Shqipëri. Në Greqi e vendosën tani. Kjo tregon mungesë interesi për Ballkanin dhe kjo është negative, sepse mentori i Kosovës është SHBA dhe Uashingtoni, ndaj është rrezik i shtuar, sepse kemi ende një Kosovë ende të panjohur 100% të vendeve të OKB-së. Një nga kushtet që ka Putini për Ukrainën dhe që ia kërkon SHBA e BE është që Ukraina të mos bëhet anëtare e NATO-s dhe të demilitarizohet. Në këto kushte ndodhet edhe Kosova. Ukraina ndihet e tradhtuar. Por Ukraina ka forcë ushtarake dhe pozitë më të fortë nga Kosova. Ka qenë pjesë e programit bërthamor dhe e demilitarizimit nën patronazhin e SHBA-ve”, argumentoi juristi për Report Tv.
Kreshnik Spahiu tha sot për Report Tv në lidhje me Samitin e Alaskës dhe takimin e presidentëve Donald Trump dhe Vladimir Putin, se shefi i Kremlinit përfiton më shumë sesa ai i Shtëpisë së Bardhë.
Putin sipas tij ka disa avantazhe, kurse Trump shkon me disa disavantazhe në takim.
“Me sa duket ka një trajtim jo të barabartë mes Putinit dhe Zelenskyt. Favorizuese për Putinin, sepse para se të zhvillohet, ai del fitues nga ky takim me Trump. Sepse ka 3 vjet i izoluar, pa asnjë takim, me asnjë lider me SHBA e BE, nga çdo takim diplomatik. Putin shkon me kënaqësi të madhe, pavarësisht destablizimin, gjenocidin, vrasjet etj., si dhe pasojat e luftës që ka përfshirë edhe BE-në në këtë rrëmujë, ndaj shkon me një lloj dinakërie atje, si triumfues”, analizoi juristi faktorin diplomatik.
Por ai kritikoi edhe pompozitetin që i bëhet presidentit rus apo vlerësimi, edhe pse për tre vite është konsideruar si një kriminel lufte, kurse tani shihet si një faktor për paqen.
“E dyta është vlerësimi apo pompoziteti që atij i jepet, kur më parë vetë SHBA dhe Biden, Obama e më pas Trump apo Sekretari Amerikan i Shtetit, e kanë cilësuar vrasës. Pra nga kriminel dhe vrasës, shkon me një lloj pompoziteti për të amnistuar veten para të gjithë planetit. Mbetet për t’u parë”, vijoi Spahiu.
Dhe për të përforcuar idenë e Rusisë së Madhe që kanë krerët e Kremlinit, theksoi detajin me bluzën e Ministrit të Jashtëm Lavrov.
“Lavrov shkoi me një bluzë me mesash CCCP, pra Bashkimi Sovjetik, që tregon se Rusia mund të kërkojë precedentin e rikthimit të Rusisë së Madhe”, u shpreh ai.
Komente
