Referencat e hoteleve nuk ndalin ‘traditën’, vetëm një në 5 të huaj që erdhi në vend u akomodua në hotele, bujtina apo resorte
Vetëm 622 mijë të huaj nga 3.4 milionë vizitorë u raportuan se fjetën në strukturat akomoduese të vendit në 5 muajit e parë të këtij viti, duke u rritur lehtë në raport me vitin e kaluar. Shifrat e fundit të INSTAT tregojnë se pavarësisht nisjes së zbatimit të referencave për shfrytëzimin e kapaciteteve, deklarimet nuk janë rritur sipas pritshmërive.
