Alba Malltezi

Jemi një vend i vogël ende në shtetformim, (të ndryshëm nga demokraci të tjera të konsoliduara), ku rruga drejt një demokracie perëndimore apo drejt një “demokracie” putiniane do të rezultonte për ne jetësore. Një kthim pas nën ombrellën e një drejtimi totalisht pa rregulla, në dorën e një familje, apo të një individi që ka për pasion “demokracinë me pikatore”

14 Prill

Në kohën e homologimit në veshje, në sjellje, në pamje, disa, si Diogjenë të kohëve moderne, kanë dalë me llampën e tyre të ndezur edhe në mesditë për të kërkuar Njerëzoren mes nesh. A është kjo demode?

13 Prill

Nëse do të kishim lexuar më shumë  letërsi “të verdhë”, do të kishim mësuar se disa copëza të një historie nuk janë asgjë. Madje mund të shfaqin të kundërtën e asaj që ka ndodhur në të vërtetë.

11 Prill

Drejtësia jonë e re nuk mund të krijojë një shtyllë kurrizore të shëndetshme dhe të drejtë, pa një media të pavarur dhe profesionale. E kundërta, do të ishte fatale për të dhe gjithë shoqërinë tonë.

9 Prill

Si një ortek që prej vitesh mbarset me gënjeshtra të fabrikuara, duket se sot, mbi shqiptarët po shohim epilogun e 30 viteve manipulim: Dihet kush i bën, dihet nga vijnë, njihet dora, stili, fryma. Po çdo ortek, e çdo epilog, sado i zhurmshëm, i frikshmë, apo i bujshëm, e ka një fund. Edhe në gazetarinë shqiptare, ky fund i manipuluesve profesionistë, është i pashmangshëm. Do të vijë.

7 Prill

A ju vjen keq që nuk keni grumbulluar pasuri? E pyet me sinqeritet gazetari Xhensil Shkëmbi. “Absolutisht jo, as nuk e kam shkuar ndërmend dhe as dua!” përgjigjet Kotmilo, duke na thënë se i pasur mund të jesh dhe me një shtëpi gati të rrënuar, me një divan të vjetër, me një bufe 16-mijëshe, me vaktet e ditës të dhuruara me dashuri, e sidomos, me vëmendjen dhe kënaqësinë për të folur me njerëzit, cilëtdo qofshin ata, vetëm në paçin dëshirën për dëgjim e bisedim.

4 Prill

Kur flasim për Europën dhe vendet Europiane, kur flasim për Perëndimin në përgjithësi të cilit ne përpiqemi t’i përkasim tërësisht, duhet të dimë mirë se me kë kemi të bëjmë. Jo vetëm njerëzit e fushës, ata për shembull që merren me Drejtësi. Perëndimi është një tërësi e përbërë nga Shtete, por mbi të gjitha nga individë të jashtëzakonshëm që u tretën për të ofruar më të mirën e një bashkëjetese të mrekullueshme.

2 Prill

Shumë prej shqiptarëve e kanë provuar paqen, qetësinë, heshtjen, shërimin në të martat e Kishës së Shna Ndoit ku katolikë, myslimanë, ortodoksë e bektashinj do t’i shohësh të ngjiten lart duke kërkuar, duke menduar, duke shpresuar vetëm për mirë. Sekreti ynë është ky.

28 Mars

Eurobarometri mat përqindjen më të lartë që nga viti 1983 të shprehjes së kënaqësisë së europianëve ndaj anëtarësimit në BE. Vështirësitë gjeopolitike të momentit po krijojnë solidaritet.

26 Mars

Dy politikanë, dy burra shteti që urrenin diktatorët dhe admironin paqen, prosperitetin dhe demokracinë, siguruan dekadat më të gjata të paqes për Europën dhe SHBA-të

20 Mars

Komuniteti Orthodoks shqiptar zgjodhi sot Fortlumturi Joanin si pasardhës të Anastasit, këtij kleriku këmbëngulës që ringjalli Lutjen shqip. Në Shqipëri.

16 Mars

Është njerëzore që të pretendojmë të kemi deputetë e deputete të një cilësie përherë e më të mirë. Nuk është shumë e vështirë nëse secili prej tyre do të ketë vullnetin të ketë për zemër pikat e mëposhtme:

13 Mars

Zëra gazetarësh e analistësh që përcjellin në publik gjoja "vendime" etike dhe morale prokurorësh janë tepër të rrezikshme për barazinë dhe rolin primar të Drejtësisë. Këto zëra ose duhen përgënjeshtruar ose, nëse të vërteta, përbëjnë një ngatërrim rolesh që cënon parime të rëndësishme të Demokracisë. 

12 Mars

Grekët e Shqipërisë e çuan të tyrin Beleri deri deputet në Bruksel, ndërsa çamët e Shqipërisë, edhe pse bëjnë koalicione me grekët, nuk guxojnë as të flasin për dhimbjen e madhe, ende të pazgjidhur të Çamërisë. Ja çfarë iu sygjeron Chat GPT

10 Mars

Pavarësisht se faktet tregojnë të kundërtën e premtimeve, shumë politikanë vazhdojnë me paturpësi të premtojnë të papremtueshmen. Historia dëshmon se ndonjëherë gënjeshtrat funksionojnë. Prandaj nuk duhet harruar

9 Mars

Të drejtat që kemi sot i marrim të mirëqëna dhe nuk mund ta imagjinojmë se mundimi për t’i fituar, nuk ka të krahasuar me lehtësinë që mund të bëjë që çdo e drejtë e fituar të fshihet në pak sekonda me një deklaratë, apo me një laps nga individë autoritarë. Mjafton të shikojmë se shtete që sot janë në çatinë e vendeve më të përparuara, të pasura, të zhvilluara, nuk është se kanë qenë të kollajshëm apo zemërgjerë sa herë është folur për të pasur gra me të drejta të barabarta në shoqëri.

8 Mars

Është i prekshëm ankthi që ka kapur planetin me ndryshimin e politikave tradicionale që si shtylla të shenjta të akropolit Botë, mbanin në këmbë çdo gjë e gjithçka. Në këtë paqëndrueshmëri, mund të ndodhë që ne, në Shqipërinë e vogël, të durojmë, rezistojmë e përparojmë.

7 Mars

Diplomacia mes shteteve demokratike dallohet nga ajo e vendeve nën diktaturë apo autoritare për transparencën e proceseve të vendimmarrjes dhe përfshirjen e opinionit publik. Insitucionet demokratike iu imponojnë liderëve që të justifikojnë zgjedhjet që ata bëjnë duke e bërë procesin diplomatik më të artikuluar por edhe më solid dhe të legjitimuar nga konsensusi i qytetarëve. A jemi të gjithë vigjilentë për ta ruajtur këtë vlerë të jashtëzakonshme të demokracisë? Pra Diplomacinë?

1 Mars

Kombet e Bashkuara miratuan me 10 dhjetor 1948, në Paris, listën e të Drejtave të Njeriut, që është një “simfoni” e cila harmonizon bashkëjetesën në globin tonë. Meqë shpesh harrojmë dhe marrim si të mirëqena shumë të drejta të arritura me sakrifica të jashtëzakonshme, ja disa prej tyre të paraqitura të përmbledhura dhe të thjeshtuara për këdo: A nuk janë një kryevepër?

24 Shkurt

Pyetja që mund të bëjmë sot është: Kush është i gatshmë të luftojë për ligjshmërinë dhe logjikën?

21 Shkurt